Жас мамандарымыз партия қатарына қосылды

Осы күндері Тәуелсіздік күні мерекесі қарсаңында мектебіміздің жас мамандары "Нұр Отан" партиясының қатарына салтанатты түрде қабылданды. Нақтылап айтсақ дене шынықтыру пәнінің мұғалімі Әмір Мырзахмет партиялық билетті Алматы облысының әкімі Амандық Ғаббасұлы Баталовтың қолынан қабылдаса, әлеуметтік педагог Балауса Маратқызы Ерғожа Талдықорған қаласының әкімі Ғалымжан Райылұлы Әбдірайымовтан қабылдап алды. Еңбек жолын осы оқу жылы ғана бастап жатқан жас мамандарға қадамдарың құтты, еңбек жолдарың сәтті болсын деген тілек білдіреміз.