"Үш бәйтерек - үш тағдыр"

"Рухани жаңғыру" бағдарламасы аясында ағымдағы жылдың 15 мамыр күні мектебімізде кітапхана меңгерушісі Ботаева Мария Данабатшақызының ұйымдастыруымен "Үш бәйтерек - үш тағдыр" тақырыбында конференция өткізілді. Мақсаты: Қазақтың “Үш бәйтерегінің” өмір жолын кейінгі жас ұрпаққа таныстыру. Оқушыларды отансүйгіштікке, елін жерін, тілін құрметтей білуге, еңбекқорлыққа баулу, патриоттық сезімді бойларына сіңіру. Аталмыш шара 3 бөлімнен тұрды. І бөлім: "Үш дос"-өмір жолдары, ІІ бөлім: "Кейіпкер - шығарма шырайы" және ІІІ бөлім: "Қазақ әдебиетінің алыптары" конференция түрінде өткізілді. Қатысқан оқушылар өте белсенділікпен қатысып, көптеген мәліметтер келтірді. Үш бәйтерек батырларымыз бү­гінгі тәуелсіз Қазақстанның өскелең ұл-қыздары үшін қашанда үлгі болатыны сөзсіз.