"Дария кеуде тау мүсін, қарттарым аман-саумысың" атты қалалық сыныптан тыс тәрбие сағаты өткізілді.

Мектебімізде 2019 жылдың 8 қарашасы күні "Ата-баба дәстүрі - ұрпаққа аманат" бағдарламасы бойынша "Дария кеуде тау мүсін, қарттарым аман-саумысың" атты қалалық сыныптан тыс тәрбие сағаты өткізілді. Аталмыш шарада мектебіміздің өнерлі оқушылары жүректі тебірентер сахналық көріністер қойып, әндер орындады. Шараның басты мақсаты «Болашаққа бағдар: рухани жаңғыру» бағдарламасының ауқымды идеяларын білім алушылар арасында таратуды ұйымдастыру. Халқымыздың сан мыңдаған ғасырлар бойы жинақтаған баға жетпес қазынасы-бабалардың өсиет сөздерін ұғындыру; үлкенге құрмет көрсетуге, кішіге ізет көрсетуге баулу, халқымыздың салт – дәстүрінен нәр алуға, инабаттылық пен мейірімділікке тәрбиелеу болып табылады. Осы игі шараға ұлт аманатын арқалап, жарғақ құлақтары жастыққа тимей, жастар тәрбиесіне жандары ашып жүрген азаматтарымыз, қалалық ардагерлер ұйымының мүшелері: Айтмұханбет Ерасылұлы - төраға орынбасары, Каримова Гүлнар Ақойқызы- әдіскер, комиссия төрайымы, Сағатбекова Назипа Қапанқызы, Сейітқұлова Данагүл Рақымқызы, Нұртай Қыдырәліұлы және ҚР Композиторлар одағының мүшесі Алшабеков Таңатар қатысып, өздерінің оң бағаларын беріп, мектеп ұжымы мен оқушыларға алғыстарын білдірді.