"Балалар жылы" аясында Бақтыбай Жолбарысұлы атындағы №18 орта мектеп-лицейінде «Алаш» пікірсайыс клубының жоспарына сай 9-сыныптар арасында АПФ форматында мектепішілік дебат пікірсайыс ойыны өтті. Білім алушыларға дұрыс кәсіптік бағдар беру мен құқық бұзушылықтың алдын алу мақсатында өткізілген бұл дебаттық ойындарда «БП мамандықты өз жүрек қалауымен таңдау дұрыс деп есептейді», «БП жас қылмыскерлерді ересектер сияқты жазалау керек деп есептейді» деген қарарлар талқыланды. 9-сынып оқушылары

Талдықорған қаласы білім мекемелері арасында 13.05.2022 күні «Үздік бастауыш сынып мұғалімі – 2022» байқауы өткізілді. Аталмыш байқауда мектебіміздің бастауыш сынып мұғалімі Ақбаева Сания Айтбайқызы жүлделі ІІ орынға ие болды. Құттықтаймыз! Жеңістен жеңіске жете берейік!

2022 жылдың12 мамыр күні қаламыздағы Е.Берліқожаұлы атындағы №11 орта мектеп базасында қалалық "Үздік сынып жетекшісі - 2022" байқауы өтті. Аталмыш байқауда мектебіміздің қазақ тілі пәнінің мұғалімі, 6 сыныптың жетекшісі Нүсіпханова Анель Мұратханқызы І орынды жеңіп алып, дипломмен және бағалы сыйлықпен марапатталды. Құттықтаймыз! Алар асуларын көп болсын! Сынып жетекші байқауына арнайы құрылған шығармашылық топқа алғысымызды білдіреміз. Жеңістен жеңіске жете берейік!

2022 жылдың 25- сәуір күні Талдықорған Қалалық білім бөлімінің ұйымдастыруымен «Үздік жыл мұғалімі – 2022» байқауы өткізілді. Қаламыздың 26 мектебінің ең шығармашыл, ең креативті мұғалімдері қатысқан шығармашылық пен біліктілік, талант пен тәжірибе, эрудиция мен шешендік додасында мектеп- лицейдің ағылшын тілі пәні мұғалімі, педагог- сарапшы Есемқұл Аяна Маратқызы жүлделі II орынға ие болды. Құттықтаймыз!

2022 жылдың 14 мамыр күні Б.Жолбарысұлы атындағы №18 орта мектеп-лицейінде мектеп ұжымының ұйымдастыруымен дене шынықтыру пәнінің мұғалімі, әріптесіміз Әділғазы Өкенұлын еске алуға арналған волейболдан қалалық турнир өткізілді. Аталмыш додаға 10 команда қатысып, өзара мықтыны анықтады. Нәтижесінде І орынға №15 мектептің командасы, ІІ орынға №11 мектептің командасы және ІІІ орынға №19 мектеп пен №8 мектеп командалары ие болды. Барлық финалға шыққан командалар Кубокпен, грамоталармен және