“Мен және менің полицейім” имидждік акциясы өткізілді

2022 жылдың 11-15 сәуір күндері аралығында “Мен және менің полицейім” имидждік акциясы өткізілді. Акция барысында білім алушылармен "Полицей - дос және қорғаушы" тақырыбында дәрістер жүргізілді. Сондай-ақ кадет сыныбы оқушыларына қаламыздағы Алматы облыстық Полиция департаменті мұражайына танымдық саяхат ұйымдастырылды. Аталмыш мұражайда Жетісу жерінде алғаш құрылған милиция сарбаздарының арнайы пішінді киімі мен сол кезде қолданған қару-жарағы, сонымен бірге, қызметтік міндетін орындау кезінде ерлік көрсеткендердің өмірі мен қызметін баяндайтын деректер оқушылардың қызығушылықтарын оятты. “Мен және менің полицейім” акциясының негізгі мақсаты: жасөспірімдердің құқықтық сауаттылығын қалыптастыру, отбасылық және адамгершілік-рухани құндылықтарды насихаттау, азаматтардың ішкі істер органдарына сенімін арттыру, сондай-ақ жеткіншектерді полиция жұмысымен таныстыру және оларға қауіпсіздік шараларын үйрету.