Әскери-спорттық жарыста топ жардық!

Мектебіміздің Алғашқы әскери және технологиялық дайындық пәні оқытушысы Бауыржан Мустафинов шәкірттерімен қаламыздағы №5 орта мектеп-лицейінде ҚР Тәуелсіздігінің 30 жылдығы мен АӘТД пәнінің оқытушы-ұйымдастырушы Бауыржан Айтбаевтың 60 жылдық мерей тойына арналған қалалық "Ұстазыңдай шебер бол!" атты әскери-спорттық ойындарында І орынға ие болды. Жарыс барысында "Кермеге тартылу", "Саптық дайындық" кезеңдерінде үздік нәтиже көрсетсек, Қуан Жанел қызымыз "Шалқадан жатып кеудені көтеру" кезеңі бойынша І орынға ие болды. Мектеп басшысы Ш.М.Құдайбергенов жарысқа қатысқан Б.Мустафинов пен кадет сыныбы оқушылары Балқашбай Алинұр мен Қуан Жанелді қабылдап, өз құттықтауын білдірді. Жеңістен жеңіске жете берейік! Құттықтаймыз!