"Кел, балалар, оқылық!"

2021 жылдың 1 қыркүйек күні қаламыздағы тұңғыш қазақ мектептерінің бірі, Бақтыбай Жолбарысұлы атындағы №18 орта мектеп лицейінің 1255 шәкіртіне алғашқы қоңырау соғылды. Өткен оқу жылы мектепті аяқтаған 41 түлектің орнына биылғы оқу жылы 158 бүлдіршін 1 сыныпқа қабылданды. Алғашқы қоңырауға арналған "Кел, балалар, оқылық!" салтанатты жиыны 1 сынып оқушылары үшін мектеп ауласында ұйымдастырылып, бүлдіршіндердің алғашқы оқулығы "Әліппе" кітабы салтанатты түрде табыс етілді. Ал 2-11 сынып аралығындағы оқушыларға "Тәуелсіздік жетістіктері" тақырыбында бірыңғай тәрбие сағаттары өткізілді. Аталмыш шара барлық санитарлық талаптарға сай жүргізілді.