«Қауіпсіз Интернет» ақпараттық кампаниясы өз мәресіне жетті

Үстіміздегі жылдың 4 сәуірінде бастау алған «Қауіпсіз Интернет» ақпараттық кампаниясы өз мәресіне жетті. Осы аптада 7-8 сыныптарда «Әлеуметтік желідегі этикет» сұхбаттасу сағаты, 9 сыныптарда «Ғаламтордағы терроризм» пікір алмасу сағаты, 10 сыныптарда «Интернеттің оң және теріс жақтары» дебаттық ойын және 11 сыныптарда «Интернет менің өмірімде» тақырыбында эссе жазу ұйымдастырылды. Мектеп психологтары тарапынан «Балалар арасындағы интернет-тәуелділік қалыптасуының алдын алу» тақырыбында психологиялық кеңестер берілді және 1-7 сыныптар аралығында «Интернет және біз» сурет салу эстафетасы жүргізілді. Сонымен қатар «Ғаламтор шырмауындағы бала» тақырыбында ата-аналар жиналыстары өткізілді.