"Қауіпсіз интернет"

2021 жылғы 4-19 сәуір аралығында Қазақстан Республикасы Білім және ғылым министрлігі Балалардың құқықтарын қорғау комитетінің бастамасымен республиканың білім беру мекемелерінде «Қауіпсіз Интернет» ақпараттық кампаниясы өткізілуде. Осы орайда мектеп бойынша жоспар құрылып, іс-шаралар өткізілді. Осы аптада 1-2 сыныптарда «Интернет дегеніміз не?», 3-4 сыныптарда «Балаларға қауіпсіз интернет бала кезінен қажет», 5-6 сыныптарда «Пайдалы әрі қауіпсіз интернет» тақырыптарында тәрбие сағаттары өткізілді, мектеп психологтары тарапынан «Балалар арасындағы интернет-тәуелділік қалыптасуының алдын алу» тақырыбында психологиялық кеңестер берілді және 1-7 сыныптар аралығында «Интернет және біз» сурет салу эстафетасы жүргізілді. Сонымен қатар «Ғаламтор шырмауындағы бала» тақырыбында ата-аналар жиналыстары өткізілді.
Кампанияның басты мақсаты: балалар мен ересектер арасында интернет ресурстарды пайдалану мәдениетін қалыптастыру, интернеттегі сұхбаттасушыларға құрметпен қарау, желідегі қолданушыларының жауапкершілігін жоғарылату, ересек қолданушылардың ​ кәмелетке толмағандардың интернет сауаттылығына жауапкершілігі туралы ақпараттандыру.
Аталмыш науқан 19 сәуірге дейін жалғасын таппақ.