"Тіл - бар білімнің кілті"

Мектебімізде ҚР Тілдер мерекесіне арналған мектепішілік "Тіл - бар білімнің кілті" атты онкүндік басталды. Мақсаты: Үш тілді - қазақ, орыс, ағылшын тілдерін жетік меңгерген тұлғаны тәрбиелеу; тілдік қарым-қатынас мәдениетін қалыптастырып, қазақстандық патриотизмді нығайту; толеранттық мәдениетті қалыптастыру; мемлекеттік тілдің қолданылу аясын кеңейту. Онкүндіктің ашылуында мектеп оқушылары арасында өткізілген "Рухани жаңғыру: кемел келешек кепілі", "Туған жер" тақырыптарында шығарма байқауының қорытындысы бойынша үздік шыққан оқушылар марапатталды. 1-ші орынға 9а сынып оқушысы Болатжанқызы Жібек, 2-ші орынға 9б сынып оқушысы Дәрменова Азиза және 3-ші орынға 9а сынып оқушысы Талғатқызы Айман ие болды. Құттықтаймыз! Тіліміз тірлігіміздің айғағы бола берсін!