"Оқушылардың функционалдық сауаттылығын қалыптастыру - заман талабы"

2021 жылдың 05 ақпан күні Талдықорған қаласы білім бөлімі басшысы Р.С.Барманова, бөлім басшысының орынбасары С.Ш.Бақтыбаева, бас маман К.Е.Усенова және әдіскерлер кабинетінің меңгерушісі М.Қ.Садуақасованың қатысуымен қала мектептерінің директордың тәрбие ісі жөніндегі орынбасарлары мен педагог-психологтарымен "Оқушылардың функционалдық сауаттылығын қалыптастыру - заман талабы" тақырыбында онлайн диалог алаңы өткізілді. Аталмыш шарада директордың тәрбие ісі жөніндегі орынбасары Қ.Ж.Қуанышбаев пен педагог-психолог А.Н.Нұғыманова "Қашықтықтан оқыту жағдайында ата-ана мен оқушыларға тәрбиелік және әлеуметтік-психологиялық қолдау көрсету мүмкіндіктері" тақырыбында өз тәжірибелерімен бөліссе, жас педагог-маман Д.Қ.Көкежанова өзінің жеке YouTube каналындағы бейнеролик жинақтарымен бөлісті. Вебинар қатысушылары ұйымдастырушыларға кері байланыстарын беріп, өз алғыстарын білдірді.