"Бастауыш сыныптарда оқу жетістігін бағалаудың тиімді әдістері" тақырыбында қалалық семинар өткізілді

2019 жылдың 21 ақпан күні мектебіміздің директордың ғылыми ісі жөніндегі орынбасары Б.Қауметова мен бастауыш сыныптар жөніндегі орынбасары А.Қалипанованың және бастауыш сынып бірлестігінің ұйымдастыруымен "Бастауыш сыныптарда оқу жетістігін бағалаудың тиімді әдістері" тақырыбында қалалық семинар өткізілді. Мақсаты: Жаңартылған білім беру мазмұны аясында бастауыш сыныптарда оқу жетістігін бағалаудың тиімді жолдарын көрсету. Бастауыш сынып мұғалімдерінің іс-тәжірибесін зерделеу, өзара тәжірибе алмасу. Бастауыш сынып оқушыларының функционалдық сауаттылығын арттыру жолдарын жетілдіру. Аталмыш семинарға қалалық білім беруді дамытудың оқу-әдістемелік орталығының аға әдіскері М.Қ.Садуақасова және қала мектептерінің бастауыш сынып мұғалімдері арнайы шақырылып, қатыстырылды. Осы семинарға барлық күш-жігерлерін жұмсап, өз тәжірибелерімен бөліскен: Л.Дүтбаеваға, Р.Туғанбаеваға, Қ.Оспановаға, С.Иманбековаға, Ә.Әбуғалиеваға, Р.Орынбековаға, А.Лаубаеваға және Д.Алпысбаеваға алғысымызды білдіреміз! Ізгі ниетпен мектеп әкішілігі.