«Алақай, жазғы лагерь!» - оқушыларымыз қала сыртындағы лагерьде демалды

«Балалар жылы» аясында 2022 жылдың 1 - 6 шілде аралығында жергілікті әкімшіліктің қолдауымен мектебімізден 84 оқушы Текелі қаласындағы "Алтын Чажа" сауықтыру лагерінде демалып, денсаулықтарын нығайтты. Лагердің күн сайынғы тіршілігі спорттық және дамыту ойындарына, тауға жорық жасауға, флэшмоб, шығармашылық және интеллектуалды конкурстар сияқты балалардың шығармашылығы мен қабілеттерін дамытатын, дербестігін, еркіндігін оятып, ашатын, жаңа нәрсені үйреніп, жаңа достар табуға тамаша мүмкіндік беретін іс –шараларға толы болды. Балаларымыз шаттыққа толы, көтеріңкі көңіл күймен, лагерьді қимай үйлеріне оралды.