Шаттыққа толы "Эдельвейс" лагері

Ағымдағы жылдың 6 - 12 маусым аралығында жергілікті әкімшіліктің қолдауымен мектебімізден 80 оқушы Текелі қаласындағы "Эдельвейс" сауықтыру лагерінде демалып, денсаулықтарын нығайтты. Лагердің күн сайынғы тіршілігі спорттық және дамыту ойындарына, тауға жорық жасауға, флэшмоб, шығармашылық және интеллектуалды конкурстар сияқты балалардың шығармашылығы мен қабілеттерін дамытатын, дербестігін, еркіндігін оятып, ашатын, жаңа нәрсені үйреніп, жаңа достар табуға тамаша мүмкіндік беретін іс –шараларға толы болды. Балаларымыз шаттыққа толы, көтеріңкі көңіл күймен, лагерьді қимай үйлеріне оралды.