10
март
2021
"Қылмыс пен жаза", "Әлімжеттік жасау - әлсіздік"
2021 жылдың 10 наурыз күні жасөспірімдер арасында құқықбұзушылықтың алдын алу мақсатында мектептің тәрбие бөлімі мен психологтары және мектеп инспекторы, полиция аға лейтенанты Г.Сәкенованың ұйымдастыруымен жоғары сынып оқушыларымен "Қылмыс пен жаза", "Әлімжеттік жасау - әлсіздік" тақырыптарында ашық алаң жиналысын өткізді. Аталмыш шараға қалалық полиция департаментінен полиция капитандары Т.Дүзбаев пен Т.Құсайыновалар қатысты. Шара барысында полиция қызметкерлері сөз алып, жастар арасында белең алып тұраған қылмыс пен құқықбұзушылық, оларға қатысты жаза түрлері және әлсіз жандарға қатысты әлімжеттік көрсету туралы айтылды. Сонымен қатар кешкі уақытта балалардың ата-анасыз, яғни заңды қамқоршысыз жүруге болмайтыны туралы түсіндірілді. Жиналыс соңыңда оқушылар сұрақтарын қойып, тұщымды жауаптарын алды.
