«Ауған асуында от кешкендер»

Ағымдағы жылдың 1 ақпан  күні мектебімізде АӘТД пәнінің мұғалімі Б.Байжуманов пен кадет сыныптарының жетекшісі Ж.Жақабайдың  ұйымдастыруымен Кеңес әскерлерінің Ауған жерінен шығарылғанына 35 жыл толуына орай «Ауған асуында от кешкендер» атты Ауған соғысы ардагерлерімен дөңгелек үстел форматында кездесу өткізілді. Мақсаты: Оқушыларға Ауған соғысы жайлы толық мәлімет беру, ардагер ағалармен ашық әңгімелесу, сұхбаттасу; Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету. Кездесу кешімізге Сарсембиев Серік Үйқасбайұлы және Сулеев Темірхан Морякұлы қатысты. Шара барысында өнерлі оқушыларымыз патриоттық әндерден шашу шашты. Батыр ағаларымыз соғыс кезіндегі бастан кешкен оқиғаларымен бөлісіп, оқушыларға өз ақыл-кеңестерін беріп, мектеп ұжымы мен өнерпаз оқушыларға алғыстарын білдірді.