«Бір тал кессең, 10 тал ек»

"Қайырымды істер марафоны" жалпыұлттық жобасы аясында мектеп бітіруші түлектер мен ата-аналардың ұйымдастыруымен «Бір тал кессең, 10 тал ек!» ұранымен мектеп ауласына 10 тал тұт (тутовник) ағаштары отырғызылды. Мектеп түлектері ағаштарды бар ынта-жігерімен отырғызып жатты. Бірі күрегін қолына алып, ағаш отырғызса, енді бірі шелегін алып, оған су құйып, қайнаған тіршіліктің үлгісін көрсетті. Дәстүрге айналған шараның мақсаты — «атаңнан мал қалғанша, тал қалсын» деген нақылға сүйене отырып, жастарға игі үлгі беріп, олардың бойында табиғатқа деген, туған жерге деген сүйіспеншілікті ояту, экологиялық тәрбиені насихаттау. Біз өз кезегімізде түлектеріміздің алдағы сынықтардан сүрінбей өтіп, жоғары оқу орындарына түсіп кетуіне тілектеспіз.