"Шынар - Сырым" атты музыкалық дастан-драмасы

Көктемгі каникул кезінде оқушылардың бос уақытын тиімді ұйымдастыру мақсатында және Дүниежүзілік театр күніне орай М.Мақатаев атындағы “Жас актер” театры үйірмесінің ұйымдастыруымен халық ақыны Ғабдиман Игенсартовтың "Шынар - Сырым" атты музыкалық дастан-драмасы жас көрерменге жол тартты. Қойылымды Бақтыбай Жолбарысұлы атындағы №18 орта мектеп-лицейінен, 5-9 сыныптардан 150-ден астам оқушы тамашалап, жақсы әсер алып, өз алғыстарын білдірді. Мектеп-лицей директоры Салтанат Бейсенбайқызы мен қалалық білім бөлімінің әдіскері Әсем Маратқызы "Жас актер" үйірмесінің актерлеріне және ұйымдастырушыларына көрермендер алдында алған әсерлерімен бөлісіп, жүрекжарды лебіздерін білдірді.