Кезекті әдістемелік күні өтті

Ағымдағы жылдың 21 сәуір күні мектебімізде кезекті әдістемелік күні өтті. Ұйымдастыру бөлімінде мектебіміздің психологы Талшын Нұрғалиева мектеп ұжымына психологиялық тренинг жүргізді. Негізгі бөлімде бастауыш сынып мұғалімдері Әсем Әбуғалиева мен Раушан Орынбекова "Білім алушылардың функционалдық сауаттылығын қалыптастыру жұмыстарының жүргізілуі" тақырыбында шебер сынып өткізді. Ал орыс тілі пәнінің мұғалімі, мектебіміздің тренері Светлана Дәуренбекова сыныптарда жүргізілген "Lesson Study"- зерттеу сабақтарын өткізуде өз білімімен және тәжірибесімен бөлісті. Осы әдістемелік отырыс соңында рефлексия жасалып, ұстаздар өзара пікір алмасты. Мектеп директоры Шалқар Мелісұлы қорытындылап, "әр ұстаздың ертеңгі сабағы бүгінгі сабақтан гөрі қызықты әрі жемісті болуы керек, осы қағида даму мен ілгерлеудің формуласы" деп, түйіндеді.