Мектебімізде "Абайлаңыз, балақай!" атты апталық өткізілуде. Апталық аясында 2022 жылдың 27 қаңтар күні 6 сынып оқушыларымен "Жат ағым орға жығады" тақырыбында ашық алаң ұйымдастырылды. Шара барысында деструктивті діни ағымдар қаупі туралы видеороликтер, әлеуметтік желідегі қауіпті аккуанттар туралы слайд көрсетіліп, әлемнің түкпір –түкпірінде болып жатқан діни экстремизм мен терроризмнің алдын-алуға байланысты сұрақтар қаралып талқыланды. Оқушылар сұрақтарын қойып, тұшымды жауаптарын алды.

Мектеп түлектері арасында «Ұлт ұстазы -Ахмет» тақырыбында бірыңғай эссе жазылды. Эссені алудағы негізгі мақсат: Ахмет атамыздың 150 жылдығын тойлау қарсаңында олардың өмір жолдарымен оқырманды тереңірек таныстыру, өткен тарихымыздан тағылым ала отырып, бүгінгі ұрпаққа өнегелі тәрбие беру, оларды Отанын сүюге, елінің , жерінің адал патриоттары болуға тәрбиелеу.

Бақтыбай Жолбарысұлы атындағы №18 орта мектеп-лицейінде 2022 жылдың 19 - қаңтарда «Жас мұғалімдер мектебінің» кезекті отырысы өткізілді. Күн тәртібіне қойылған мәселелер бойынша мектеп психологтары Дана Көкежанова мен Балауса Ерғожа «Мен ғажайыппын» тақырыбында интеллектуалды ойын-жаттығуларынан құралған тренинг өткізді. Бұдан соң отырысқа шақырылған педагог-зерттеушілер Анар Садуакасова, Қ.Мықтыбаева, Л.Теміржанова, А.Лаубаевалар жас мамандардың өтініштері бойынша дайындаған тақырыптарымен

Жуырда мектебіміздің 1 сынып балғындары алғашқы оқулығы Әліппемен қоштасты. Олар ұстаздары алдында өлең оқып, би билеп, тақпақ айтып, бар өнерлерін ортаға салды. Көптің алдында мүдірмей сөйлеуге жаттығып қалған оқушылар зерек, әрі алғыр екендіктерін аңғартты. Әріптер әлемімен толық танысып, келесі кезеңге қадам басты. Енді балалардың дүниетанымы «Ана тілі» оқулығы арқылы одан әрі кеңейе түседі.

«Біз денсаулықты нығайтуға ықпал ететін мектеппіз» жобасы аясында, қысқы каникулды тиімді ұйымдастыру мақсатында волейболдан 9-11 сынып қыздары арасында «Жаңа жылдық чемпионат» жарысы өткізілді. Тартысқа толы жарыс нәтижесі бойынша І орынға 11 сынып түлектері, ІІ орынға 10б сыныбы және ІІІ орынға 10ә сыныбы қыздары ие болды. Сонымен қатар үздік ойын көрсеткен бірқатар қыздарымыз жекелей номинацияларға ие болды.

2021 жылдың 25-желтоқсан күні №14 орта мектеп-гимназиясы қабырғасында салауатты өмір салтын насихаттау, достық қарым-қатынасты қалыптастыру және кадеттердің әскери рухын көтеру мақсатында Талдықорған қаласының №18 орта мектеп- лицейі мен №14 орта мектеп-гимназиясының кадет сыныптар арасында «Жас қыран» әскери-спорттық жарысы өткізілді. Осы жарыста мектебіміздің 9б кадет сынып оқушылары І орынға ие болса, 8а кадет сыныбы ІІІ орынға ие болды. Номинациялар бойынша 9 сыныптар: "Үздік командир"

2021 жылдың 28 желтоқсан күні мектеп басшысы Ш.М.Құдайбергенов VІІ Республикалық "Айбын" әскери-патриоттық жарысында ІV орын алған мектебіміздің кадет сыныбы оқушыларын ҚР Қарулы Күштері дипломдарымен марапаттады. Осы жарыста 9б кадет сыныбы оқушылары Айтмұханбет Әбілмансұр "АК-74 автоматын бөлшектеп-жинау" бойынша ІІІ орынға және Қуан Жанел мен Қанатбек Гауһар "Алғашқы медициналық көмек" бойынша ІІІ орынға ие болып, медальдармен марапатталды. Құттықтаймыз!

2021 жылдың 27 желтоқсан күні мектептің тәрбие бөлімі мен мектеп инспекторы Г.Сәкенова 8-11 сынып оқушылырына, әр сынып бойынша құқықбұзушылық пен оқыс оқиғаның алдын алу мақсатында мереке, каникул күндеріндегі қауіпсіздік шаралары туралы түсіндірме жұмыстарын жүргізді. Шара барысында: Баланың заңды өкілдерінің ертіп жүруінсіз түнгі уақытта (сағат 22-ден таңғы 6-ға дейін) ойын-сауық мекемелерінде болуына, сол сияқты онда жіберілуіне және көше кезіп жүруіне тыйым салынатыны туралы. Ата-аналарға,

2021 жылдың 25 желтоқсан күні кезекті «Директорлық сенбі – ата-аналар үні» атты мектеп директоры Ш.М.Құдайбергеновтың қатысуымен 9-11 сынып түлектерінің ата-аналарымен онлайн-жиналыс өткізілді. Жиналыста ҰБТ жаңашылдық пен өзгерістер туралы айтылды. Сондай-ақ жаңажылдық мереке күндері мен қысқы каникул күндеріндегі бала қауіпсіздігі ескертілді. Жиналысқа қатысушылар мектеп әкімшілігінен барлық қызықтырған сұрақтарына жауап алып, жиналыс нәтижелі өтті.

ҚР Тәуелсіздік күніне орай мектебіміздің 2 сынып пен 5 сынып оқушылары Республикалық бірыңғай "Жас Қыран" және "Жас Ұлан" балалар мен жасөспірімдер ұйымына салтанатты түрде қабылданып, көпшілік алдында ант берді. "Жас ұлан" - өскелең ұрпақты жоғары рухани - адамгершілік құндылықтар, гуманистік, демократиялық ұстанымдарға негізделген қазақстандық патриотизм рухында қалыптасқан ұйым. Ұйымның мақсаты: өскелең жас ұрпақтың бойында патриоттық, білім мен өзін-өзі жетілдіруге деген құштарлық,беріктік,