2018 – 2019 оқу жылдың "Мектепке жол" Республикалық акциясы аясында 2018 жылдың 15 тамыз күні мектебіміздің мұғалімдері мен ата-ана комитеті мүшелерімен бірлесе қаламыздағы "Мерекелік" саяжайындағы Ландыш, Балықты, Центральная тб көшелеріне рейд жүргізілді. Аталған көшелерде тұратын отбасылардың тұрмсытық жағдайы назардан тыс қалмады. Көмек қажет ететін балалар анықталып, тіркеуге алынды. Көше бойларына "Мектепке жол" парақшалары ілінді.

9 тамыз күні қаламыздағы №4 орта мектеп алаңында Республикалық «Мектепке жол» акциясының қала бойынша насихаттау жұмыстары жүргізілді. Мақсаты - оқумен қамтылмаған балаларды анықтау, аз қамтылған және көп балалы отбасылардың, жетім және ата-анасының қамқорлығынсыз қалған балаларға жаңа оқу жылына дайындық кезеңiнде қолдау көрсету. Аталмыш шараға қалалық білім бөлімі басшысының орынбасары С.Ш.Бақтыбаева қатысып, қала тұрғындарын акцияға белсенділікпен атсалысуға шақырды.