Мектебіміздің 8б сынып оқушысы Бектұрсын Қарақат Алматы қаласында өткен "Мәңгілік ел - Қазақстаным!" атты байқауда "Бас жүлдені" жеңіп алып, Дубайға жолдама ұтып алды. Құттықтаймыз!

Чехия астанасы Прагада өткен Халықаралық "Атадан - мұра" атты өнер байқауында мектебіміздің 7а сынып оқушысы Қуандық Ақбота І орынға ие болды. Құттықтаймыз!!!

Ресейдің Исилькуль қаласында бокстан өткен Халықаралық жарыста мектебіміздің 8б сынып оқушысы Абилхамит Əлімжан II орынға ие болды. Құттықтаймыз!!!

Тараз қаласында өткен бокстан "Алтын қолғап" Республикалық жарысында ұлдар арасында Бейсенбек Азамат ІІІ орынға және қыздар арасында Сулейман Аяжан ІІІ орынға ие болды. Құттықтаймыз!

Бәрекелді!!! Мектебіміздің оқушылары Алматы қаласында Годзю-рю каратэ-до жекпе-жегінен өткен ел біріншілігінде 2ә сынып оқушысы Байғұданов Қуаныш 25 кг салмақта І орын және 3б сынып оқушысы Есжан Әлихан 32 кг салмақта ІІ орынға ие болды. Жаттықтырушысы Біржан Байжанов. Құттықтаймыз! Олимпиада чемпионы болуларына тілектеспіз!

Мектебіміздің 8б сынып оқушысы Әбілхамит Әлімжан Қызылорда қаласында өткен бокстан Республикалық жарыста ІІІ орынға ие болды. Құттықтаймыз!

"Рухани Жаңғыру" бағдарламасының "Тәрбие және білім" ішкі бағдарламасы бойынша Еркін аулдық округі ұйымдастырған қалалық "Домбырам - асыл қазынам" атты өнер байқауында "Жанды дауыста ән айту" номинациясы бойынша мектебіміздің 7-8 сынып оқушылары Меңіс Жұлдыз ІІ орынға, Бектұрсын Қарақат ІІІ орынға ие болды. Ал "Көркем сөз шебері" номинациясы бойынша 9 сынып оқушысы Аутай Гүлназ ІІІ орынға ие болды. Құттықтаймыз!

Мектебіміздің 9б сынып оқушысы Қамалбекова Айнұр Алматы қаласында өткен Республикалық "Қазақстан - Республикам менің!" атты патриоттық балалар мен жасөспірімдер арасындағы өнер байқауында "Бас жүлдені" жеңіп алды. Құттықтаймыз!

Қос жүлде алған қос ару! Мектебіміздің апалы-сіңілі қыздарымыз, 8 жəне 4 сынып оқушылары Бектұрсын Қарақат пен Бектұрсын Құралай Алматы қаласында өткен Халықаралық Ай-сəулемай байқаунда өз жас ерекшеліктері бойынша I орындарға ие болды. Жетекшісі Серікжамал Əжібекова. Құттықтаймыз!

Ағымдағы жылдың 22 қыркүйегінде Абай атындағы мектеп-гимназиясында өткен қалалық "Полиглот" зияткерлік жарысында мектебіміздің 8а сынып оқушысы Сайлаубай Əмір жеңімпаз атанды! Жетекшісі қазақ тілі мен əдебиет пəнінің мұғалімі А.Д.Садуақасова. Құттықтаймыз! Жеңісті сəттеріміз көп болсын!