«Әріптестер сапқа тұр, жарысайық!»

2018 жылдың 20 қазан күні қаламыздағы Бақтыбай Жолбарысұлы атындағы №18 орта мектеп-лицейінде Қазақстан Республикасы Президентінің «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын жүзеге асыру мен бұқаралық спортты дамыту мақсатында мектеп ұжымы арасында «Әріптестер сапқа тұр, жарысайық!» атты көңілді эстафеталық жарыс өткізілді. Жарысқа төрт команда жасақталып, қырықтан аса мұғалімдер мен жұмысшылар қатысты. Аталмыш шара директордың құттықтау сөзімен ашылып, ҚР Гимні орындалды. Жарыс таныстыру, жүгіру, секіру, тапқырлықты шындау, жұптасып орындалатын және командамен орындалатын тапсырмаларға толы болды. Нәтижесінде І орынды «Қыран» командасы жеңіп алса, ІІ орынды «Рухани жаңғыру» мен «Жастар» командасы және ІІІ орынды «Томпақтар» командасы ие болды.