"Ұлт-ұлысқа ортақ үй - Қазақстан" атты Алғыс айту күніне арналған апталықтың ашылу салтанаты

ҚР Президенті Н.Ә.Назарбаевтың 2016 жылғы 14 қаңтарындағы Жарлығымен 1 наурыз - Алғыс айту күні болып жарияланды. Осы орайда мектебімізде "Ұлт-ұлысқа ортақ үй - Қазақстан" атты Алғыс айту күніне арналған апталықтың ашылу салтанаты өткізілді. Аталмыш күннің басты мақсаты: Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктің негізгі арқауы — еліміздегі барлық ұлт пен ұлысты бір шаңырақ астына топтастыратын мереке. Сондай-ақ ризашылық пен алғыс туралы түсінік беру; - үлкен - кішіге деген сүйіспеншілігін, сыпайылық қарым - қатынасын дамыту; - әдептілікке, кішіпейілділікке, ізеттілікке тәрбиелеу. Апта бойы сынып сағаттары, тренингтер, эссе жазу байқауы, таңымал тұлғалармен кездесу жоспарланып отыр. Сонымен қатар мектеп фойесінде "Бұлақ жердің сыйы, Алғыс елдің сыйы" атты алғыс білдіру тақтасы ұйымдастырылды.