Облыстық Сәкен Сейфуллин атындағы кітапхананың ұйымдастыруымен “Бір ел-бір кітап” республикалық акциясы аясында жазушы Бердібек Соқпақбаевтың шығармаларын насихаттау мақсатында өткізілген “Балалар әдебиетінің хас шебері” атты облыстық байқауда 6 “А” сынып оқушысы Ердал Нұртас жүлделі ІІ орынға ие болды. Жетекшісі қазақ тілі мен әдебиеті пәнінің мұғалімі Жадрашова Айкерім Қанатқызы. Құттықтаймыз!

Мектебіміздің екі командасы да І орынға ие болды! Талдықорған қаласының дене шынықтыру және спорт бөлімінің ұйымдастыруымен ШАХМАТТАН өткізілген ашық турнирде мектебіміздің 5-6 сыныптар командасы І орынға және 7-8 сыныптар командасы да І орынға ие болды. Жетекшісі ДШ пәнінің мұғалімі Айбек Базылжанов. Құттықтаймыз!  

4б сыныбының оқушысы Ержанұлы Мадияр БАӘ Абу-Дабиде джиу-джитсудан өткен Әлем чемпионатында 2-орынға ие болды! Құттықтаймыз!

Алматы қаласында қазақ күресінен кіші жасөспірімдер арасында өткен ашық турнирде мектебімздің 6б сынып оқушысы ⁠Сламхан Сұлтан І орынға ие болды. Құттықтаймыз! Жарысқа 7 облыс, 2 қаладан 250-ге жуық спортшы қатысты.  

 1 қараша күні бастауыш сынып мұғалімдеріне арналған Республикалық «Алтын тұғыр» олимпиадасының қалалық іріктеу кезеңі өткізілді. Аталмыш олимпиадаға No18 мектеп-лицейінің бастауыш сынып мұғалімдері қатысып, жүлделі орындардан көріне білді. Мухаметкажиева Гүлайым — ІІ орын. Нусупова Айгерім — ІІІ орын. Темірғалы Сабина мен Жаканова Жания — арнайы грамота мен сертификатқа ие болды. Құттықтаймыз!  

“Жетісу облысы білім басқармасының Талдықорған қаласы бойынша білім бөлімі” мемлекеттік мекемесі ұйымдастырған шығармашыл оқушылар арасындағы “Ақберен” республикалық өнер байқауының облыстық кезеңінде Көркемсөз оқу номинациясы бойынша 11 сынып оқушысы Адельбаева Бибінұр І орынды жеңіп алып, республикалық байқауға жолдама алды. Жетекшісі: Айкерім Қанатқызы Жадрашова. Құттықтаймыз!

Мектебіміздің көркем еңбек пәнінің мұғалімі Омаралин Бауыржан Төкенұлы 25 қазан - Республика күніне орай Талдықорған қаласы әкімі Ернат Бәзілдің Алғыс хатына және қалалық маслихаттың Құрмет грамотасына ие болды.  Ал информатика пәнінің мұғалімі Курманбаева Айдана Саятқызы мен тарих пәнінің мұғалімі Турганбекова Жазира Сайлаубекқызы 25 қазан - Республика күніне орай Талдықорған қаласы әкімі Ернат Бәзілдің Алғыс хатына ие болды. Құттықтаймыз!  

Мектебіміздің “Алаш” дебат клубының оқушылары қалалық “Жасанды интеллектің пайдасы мен зияны” атты дебаттық турнирде жеңімпаз атанды. Олар: “Баян Сұлу” тобы /Ақсая мен Рамина 10а/ - І орынға; “Көзайым” тобы /Алтынай мен Айғаным 8ғ/ ІІІ орынға ие болды.  Сондай-ақ аталмыш турнирде Жексембиева Рамина “Үздік спикер” атағына ие болды. Құттықтаймыз!

Мектебіміздің педагог-психологы Көкежанова Дана Қайратқызы қалалық “Үздік педагог-психолог” байқауында жүлделі ІІ орынға ие болды. Құттықтаймыз! Жеңістен жеңіске жете берейік!  

Мектебіміздің дене шынықтыру пәнінің мұғалімі Қартбай Хамит Аманбайұлы қалалық "Үздік дене шынықтыру пәнінің мұғалімі-2024" байқауында І орынға ие болып, облыстық байқауға жолдама алды. Құттықтаймыз! Жетісу облысында үздіктер қатарынан көрінуге тілектеспіз!.