Жазғы алаң аясында мектебіміздің оқушылары қызықты күн өткізді. Алдымен балалар түрлі спорттық ойындар ойнап, командалық рухтарын нығайтты. Одан кейін, қаламыздағы “Family Park” бассейніне барып, шомылып, жаздың аптап ыстығында салқындап қайтты.  Мұндай белсенді демалыс балалардың денсаулығын нығайтып, жақсы көңіл-күй сыйлайды!

Бүгін жазғы алаң оқушылары Ілияс Жансүгіров атындағы мемориалды мұражайына барып, Алаш арысының өмір жолымен, шығармашылығымен жақын танысты. 🖼️ Мұражай қызметкерлері қызықты экскурсия өткізіп, балалардың білім көкжиегін кеңейтті. Экскурсиядан кейін оқушыларымыз қаламыздың көркі – орталық саябаққа барып, серуендеп, таза ауада демалып, көңілді уақыт өткізді. Жазғы демалыс – тек ойын ғана емес, таным мен тәрбие уақыты!

Бүгін мектебіміздің оқушылары жазғы алаң аясында қаламыздағы кинотеатрға барып, “Супермен” фильмін тамашалап қайтты. Оқушылар қызықты оқиғаға толы фильмнен керемет әсер алды. Кино кейіпкерінің батылдығы мен әділеттілікке деген ұмтылысы балаларға шабыт сыйлап, жағымды эмоциялар тарту етті.  

Бүгін жазғы алаңның балалары қаламыздағы бассейнге барып, шомылып, көтеріңкі көңіл-күймен керемет уақыт өткізді! Су серуені балалар үшін әрі сергітерлік, әрі қызықты өтті. Ашық аспан астындағы шат-шадыман сәттер олардың жазғы демалысын жарқын естеліктермен толықтырды.

"Мұражай – құндылықтар мекені" ұранымен мектебіміздің жазғы алаң оқушыларына қаламыздағы орналасқан М.Тынышпаев атындағы тарихи-өлкетану мұражайын мен І.Жансүгіров мемориялды мұражайына танымдық саяхат ұйымдастырылды. Іс-шараның мақсаты: Жас ұрпақтарды отансүйгіштік рухында тәрбиелеу, танымдық құштарлыққа жетілдіру, өсіп-өнген өлкесін танып білуін, тарихи білімін қалыптастыру, салт-дәстүрін дәріптеу, патриоттық сезімдерін ояту. ​https://www.instagram.com/p/DMFtCrQpZAn/​​​

11.07.2025 күні "Біз спортты таңдаймыз, зиянды әдетке бармаймыз!" ұранымен жазғы алаңда ерекше көңілді, әрі пайдалы эстафеталық ойындар өтті! Балалар спорттық рухты сезініп, командалық ойындарда белсенділік танытты. Бұл іс-шара олардың салауатты өмір салтына деген қызығушылығын арттырып, зиянды әдеттерден бойын аулақ ұстауға деген саналы көзқарасын қалыптастыруға бағытталды. Қозғалыс – өмір, спорт – денсаулық кепілі! Осындай жарқын әрі тәрбиелік мәні зор шаралар әлі де жалғасын

 Жазғы алаң балалары "Family Park" бассейніне барып, суға шомылып, көңілдері көтерілді. Бұл күн олар үшін ерекше әрі естен кетпес болды! Жаздың қызығын бірге өткізейік!  

Осы күндері мектебіміздің оқушылары Текелі қаласында орналасқан “Бастау” қала сыртындағы сауықтыру лагерінде демалуда. Балалар таза ауада серуендеп, қызықты ойындар ойнап, жаңа достар тауып, жарқын әсерлерге бөленуде.  

Бүгін мектебіміздің жазғы алаңының балалары қаламыздағы кинотеатрға барып, “Айдахарды қалай үйретеміз?” атты анимациялық фильмді тамашалады.  Балалар ғажайыптар мен қиялға толы әлемге сапар шегіп, нағыз достық пен батылдықтың не екенін тағы бір мәрте сезінді. Көңілді, әсерлі сәттерге толы бұл күн балалардың есте қаларлық жазғы естеліктерінің бірі болды!  

Бүгін мектебіміздің жазғы алаң балалары қаламыздағы "Big Smile" ойын-сауық орталығына барып, көңілді әрі әсерлі уақыт өткізді. Балалар түрлі ойындар мен қызықты шараларға қатысып, жаңа достар тапты, қуаныш пен күлкіге толы күн өткізді. Осындай ерекше күндер балалардың шаттығын арттырып, олардың бос уақытын тиімді әрі қызықты өткізуіне мүмкіндік береді. Алдағы уақытта да осындай шаралар жалғасын табады деп үміттенеміз!