ҚР Тәуелсіздігінің 30 жылдығына орай Оқушылар сарайында өткен қалалық тоғызқұмалақ жарысында 6ә сынып оқушысы Биқасым Алима ІІІ орынға ие болды! Сондай-ақ шахмат бойынша Елтай Ақбаян (4ә), Қамалбеков Дастан (4б) және тоғызқұмалақ бойынша қатысқан Тұрсынхан Мадияр (6ә) Алғыс хаттарға ие болды. Жетекшілері: А.Б.Шеңгелбаев, Ә.Базылжанов. Құттықтаймыз!!! Алар асуларымыз көп болғай!

«Болашаққа бағдар: рухани жаңғыру» бағдарламасының ауқымды идеяларын іске асыру мақсатында мектебімізде "БУККРОССИНГ" жобасы жалғасын табуда. Мақсаты: Оқуды мәдениеттің маңызды элементі ретінде және интеллектуалды әлеуетті, ұлттың бәсекеге қабілеттілігін, жастардың шығармашылық және әлеуметтік белсенділігін арттыру құралы ретінде толық қолдау болып табылады. Сондай-ақ "Кітапханаға кітап сыйла" марафоны және білім алушылар арасында 20 минут әдеби кітап оқу науқаны жалғасуда.

Мектебіміздің бастауыш сынып мұғалімі Ахметова Ақерке Серікқызы қалалық "Педагогикалық дебют-2021" байқауында 3-ші орынға ие болды.

Қалалық Полиция департаментінің полиция капитаны М.Абишев, полиция аға лейтенанты И.Фурманұлы және мектебіміздің инспекторы Г.Сәкенова "Жас полиция" кадеттерімен құқықтық тәрбие тақырыбында дәріс өткізді.